Prayers Change the Destiny ( InshaAllah)

Description

ٹل جائے گی تقدیر سے آفاتِ کرونا 
 بدلیں گے دعاؤں سے ہی حالاتِ کرونا

Duaia Nazm by Anees Ahmad Nadeem

ٹل جائے گی تقدیر سے آفاتِ کرونا 
 بدلیں گے دعاؤں سے ہی حالاتِ کرونا

رحمت سے خداوند کی مایوس نہ ہو تم 
وا  اس کا ہے در آؤ مناجات کرونا 

بے چین ، فکر مند ، پریشاں  ہو اگر تم
سجدوں میں بیاں سارے یہ حالات کرونا 

ویران ہے معبد تو کلیسا بھی ہے خالی
دکھلائے گا کیا کیا یہ کرشمات کرونا 

مجبورہیں لاچار ہیں سب مشرق ومغرب 
چہروں سے ہویدا ہیں علاماتِ کرونا 

ہر شخص حجابوں میں نقابوں میں ہےملبوس
دیکھی ہیں عجب ہم نے کراماتِ کرونا 

ہر شہر قرنطینہ و سُنسان پڑا ہے 
ہر ملک میں نازل ہے یہ سوغاتِ کرونا

آئےگی بہارایسے کہ پھر پھول کھلیں گے
ہلکان نہ رو رو کے یُوں دن رات کرونا 

مشکل ہو پہاڑوں سی تو ٹل جائے دعا سے 
اخلاص سے کچھ صدقہ و خیرات کرونا 

غفلت کو کرو دُور کرو راضی خدا کو
الفت کی محبت کی شروعات کرونا

~~~ انیس ندیم ~~~

Prayers Change the Destiny ( InshaAllah)

Description

Similar videos by Ahmadiyya Japan

More videos by Ahmadiyya Japan